Newcastle United është e gatshme të paguajë shumën që kërkohet për transferimin e Benjamin Šeško.

Sipas ekspertit të transferimeve, Fabrizio Romano, klubi anglez i ka paraqitur tashmë projektin e tyre lojtarit dhe janë të gatshëm të bëjnë një ofertë zyrtare nëse ai pranon kushtet, shkruan Arbresh.info.

Nga ana tjetër, edhe Manchester United ka qenë i interesuar kohëve të fundit për të.

Fillimisht skuadra e Amorimit zhvilloi diskutime të brendshme dhe më pas edhe i kontaktoi drejtuesit e Leipzigut, për të mësuar kushtet e mundshme të marrëveshjes.

Šeško pritet të vendosë së shpejti për të ardhmen e tij, ndërsa interesimi nga klubet e Premier League është në rritje.

Për sllovenin më parë ishte interesuar edhe Arsenali, mirëpo “Topçinjtë” u tërhoqën nga gara pasi arritën transferimin e Viktor Gyokeresit.

Edicionin që lamë pas ai luajti në 45 ndeshje me Leipzigun ku shënoi 21 gola e dhuroi gjashtë asistime./Arbresh.info